Rohit Harip's Blog

भीमाशंकरच्या घनदाट जंगलातली 'अरण्यकन्या' ' शिडीचा घाट ' !! थरारक , चित्तथरारक , अवघड , बिकट , रोमांचकारी असा काय काय विशेषण लावता येणारा हा घाट उतरायचा म्हणजे नजर उंचीला स्थिरावरलेली स्थिर हवी , पाय भक्कम हवेत आणि पोटाऱ्याच्या स्नायूंमध्ये ताकद हवी आत्मविश्वास हवा मात्र फाजील नसावा , माज तर बिलकुल नसावा , सह्याद्री उग्र आहे त्यामुळे इथे "चुकीला माफी नाही"उंची , पाणी असले कसले फोबिया असलेले शहरी मावळे इथे अगदीच कुचकामी !! भीमाशंकर वरून खांडस ला उतरण्याच्या दोन प्राचीन घाटवाटा आहेत !! एक आहे गणपती घाटाची दुसरी शिडीच्या घाटाची . गणपती घाटाची वाट गणपती सारखीच तुंदिल तनू !! रमत गमत जाणारी हि वाट अगद सहज तुम्हाला खांडस ला आणून सोडते ना चुकण्याची शक्यता ना हरवण्याची . भरगच्च जंगलातून जाणारी हि वाट सुखावह आहे . या वाटेवर माणसांचा वावरही तुलनेने कमी असल्याने इथल्या शांततेत हे अरण्य बरंच काही बोलून जाते अर्थात तुमची ऐकण्याची इच्छा हवी . 8, 10 लोकांच्या कवेत मावणार नाहीत इतक्या मोठ्या खोडाची झाडे इथे जिवंत इतिहास घेऊन वर्षांनुवर्षे उभी आहेत . भीमाशंकर मंदि...

तापोळय्च्या जलाशयातून आजूबाजूच्या गावात मोठ्या प्रमाणात जलवाहतूक चालते तिथले दळणवळणाचे मुख्य साधन होद्याच आहे   सह्याद्रीच्या रानवाटांवर फिरण्यासाठी हिवाळ्यासारखा ऋतू नाही. ऋतूमानानुसार बदलणारी सह्याद्रीची रूपं बघण्यासाठी प्रत्येकाने सह्याद्रीची शिखरे सर करायलाच हवीत, डोंगरमाथे गाठायलाच हवेत अशी सक्ती नाही, कोयना-जावळीच्या घनदाट अरण्यातल्या रानवाटांवर पहाटेच्या वेळी केलेला एखादा वॉक किंवा शिवसागर जलाशयाच्या निळ्याशार पाण्यात केलेली जलभ्रमंती तुम्हाला सह्याद्रीच्या गूढतेची नक्कीच अनुभूती देऊन जाते. कोयनाकाठी वसलेल्या अशाच एका भ्रमंतीविषयी ... --------  . कोयनेच्या खोऱ्याचे "पॅनोरमिक' दर्शन  महाराष्ट्राला लाभलेल्या निसर्गाच्या अद्‌भुत वरदानांपैकी एक म्हणजे महाबळेश्‍वर ! पावसाळ्यात धो धो कोसळणारा पाऊस पिऊन इथली वनराजी तट्ट फुगते आणि वर्षभर पुरेल इतकी हिरवळ घेऊन महाबळेश्‍वरच्या पठारावर पसरते. हिवाळ्यामध्ये महाबळेश्‍वरच्या या हिरव्याकंच रानवाटा कोणालाही भूल पाडतील अशाच असतात. महाबळेश्‍वरचे निसर्गरम्य कडे, आर्थर सीट पाईट, शंकराचे मंदिर, प्रतापगड, पाच...